Fundación USC Deportiva USC
Inicio > Actualidade > Axenda > Evento

Evento

Sábado 25 de maio. Ruta de Lecer. Ecopista de Valença a Monção.

Comezaremos a camiñada Ecopista do Minho na fortaleza de Valença do Minho.

A ecopista transcorre por un antigo trazado de tren, actualmente asfaltado ou cementado. Nalgúns tramos, sobre todo na primeira parte do percorrido, sairémonos da ecopista para poder camiñar sobre terra e achegarnos todo o posible ao río, que nos proporcionará unhas vistas marabillosas.

Toda a ruta transcorre entre campos de cultivo, viñedos e, cara a segunda metade do camiño, por zonas arboradas con menos vistas ao Miño. Pasaremos tamén xunto a antigas estacións de tren, como a de Friestas, e por algunha aldea. A máis interesante é a de Lapela, onde nos achegaremos a ver a súa Torre.

Unha vez en Monçao, no caso de ir ben de tempo, haberá en torno a unha hora de tempo libre para visitar a vila.

A ruta apenas ten desnivel, pero a dificultade vén dada polo número de quilómetros, case 20 km. Recoméndase non levar un calzado demasiado ríxido. De todas formas, nos tramos de terra, podería haber algo de barro no caso de chover os días anteriores.

  • Lonxitude: 20 km aproximadamente.
  • Desnivel: non ten.
  • Dificultade: media (pola lonxitude da ruta).
  • Hora de saída: ás 09:00 h, diante da piscina universitaria.
  • Hora de regreso: ás 19:30 h aproximadamente.
« Xullo - 2019 »
L Ma M X V SD
01 02 03 04 05 06 07
08 09 10 11 12 13 14
15 16 17 18 19 20 21
22 24 25 26 27 28
29 30 31