Fundación USC Deportiva USC
Inicio > Actualidade > Axenda > Evento

Evento

Sábado 6. Ruta De Lecer. Río Umia e Cambados.

Comezaremos a xornada visitando un muíño de mareas en Cambados. Unha vez rematada a visita percorreremos o itinerario homologado PR-G 173, ruta do río Umia.

Comezaremos na zona de Barrantes, no concello de Ribadumia, seguindo o curso dun pequeno rego ata chegar ao río Umia. Seguiremos o seu curso río arriba ata chegar a Ponte Arnelas, onde nos recollerá o autobús. Esta ruta non ten practicamente desnivel e discorre sempre a carón do río por zonas con vexetación de ribeira, pasteiros e viñedos. Trátase dun paseo moi agradable.

A segunda ruta é completamente diferente xa que transcorrerá en boa parte pola costa. Comezaremos xunto á ponte que cruza ata a Illa de Arousa e iremos camiñando cara ao sur, en dirección a Cambados, gozando das vistas ao mar.

Nalgúns puntos desviarémonos cara ao interior e cambiaremos a paisaxe marítima pola de zonas rurais. Antes de chegar a Cambados pasaremos polo muíño de mareas que visitamos pola mañá e rodearemos unha zona de marisma onde, se temos sorte, poderemos ver unha grande variedade de aves.

Unha vez en Cambados teremos en torno a unha hora de tempo libre para visitar a vila  pola nosa conta. Esta parte da xornada xa non é guiada.

Todos os camiños son en xeral moi cómodos. Os últimos 3 km, chegando a Cambados, son por pistas asfaltadas e paseo marítimo. En caso de chover os días anteriores, poderiamos atopar algún punto concreto con algo de barro.

  • Lonxitude: 15 km, aproximadamente.
  • Dificultade: baixa.
  • Desnivel: non ten.
  • Hora de saída: ás 09:00, diante da piscina universitaria.
  • Hora de regreso: ás 19:30 h., aproximadamente.
« Maio - 2019 »
L Ma M X V SD
  01 02 03
04
05
06 07
08
09 10 11 12
13 14 15 16 17 18 19
20 21 22 23 24
25
26
27 28 29 30 31  

Sábado 4 de maio. Ruta de Montaña. Pico Formigueiros. O Courel

Nesta xornada de montaña imos intentar acadar o cumio máis alto da serra do Courel, o pico Formigueiros, a 1.640 metros de altitude.

Mércores 8. de maio Roteiro. Ruta da Auga. Caldas de Reis

Esta ruta comeza no centro de Caldas, xunto ao seu pequeno xardín botánico e a marabillosa carballeira, e continúa polo paseo fluvial do Umia.

Sábado 25 de maio. Ruta de Lecer. Ecopista de Valença a Monção.

Comezaremos a camiñada Ecopista do Minho na fortaleza de Valença do Minho.