Fundación USC Deportiva USC
Inicio > Actualidade > Axenda > Evento

Evento

Sábado 30 de marzo. Ruta de montaña na serra da Escrita (O Courel)

Retómanse as rutas de montaña cunha camiñada polo Courel para saber da serra da Escrita, preto do val de Louzarela.

Iniciamos a andaina en Requeixo (650 m), un lugariño moi preto da Ponte de Louzarela. Este é un paso de moita importancia, xa que permite comunicar O Caurel con Samos. A ruta comeza subindo, e pronto chegamos á aldeíña de Vila do Castro, segue rodeando o Teso de Penalba e a pendente acentúase para chegar ao Alto do Lago (1300 m). Dende aquí poderemos gozar dunhas fermosas vistas. Pouco nos queda xa para acadar o cumio de A Escrita (1455m): un dos mellores miradoiros naturais do Caurel. Dende aquí baixaremos á aldea de Paderne, cruzando a devesa do mesmo nome, unha das máis importantes da serra. En Paderne colleremos o camiño que nos leva, subindo, a Pedrafita do Caurel. Neste punto, logo de ver a microrreserva do Alto da Pedra, iniciaremos o descenso ata Requeixo

Algúns dos puntos interesantes do percorrido son as vistas panorámicas, a impresionante devesa de Paderne, a arquitectura típica do Caurel nas aldeas polas que pasaremos ou a microrreserva do Alto da Pedra.

É salientable o desnivel que hai na ruta, tanto positivo como negativo: 1.300 m.

  • Lonxitude: 21 km aproximadamente 
  • Dificultade: media-alta
  • Desnivel: forte
  • Hora de saída: ás 08:00 h., diante da piscina universitaria
  • Hora de regreso: ás 20:30 h., aproximadamente
« Marzo - 2019 »
L Ma M X V SD
  01 02 03
04 05 06 07 08
09
10
11 12 13 14 15 16 17
18 19 20 21 22
23
24
25 26
27
28 29
30
31

Sábado 9 de marzo. Ruta da castaña e do mel. Pobra do Brollón.

A ruta da castaña e do mel comeza en Salcedo e vai baixando entre bosques ata o río Lor á altura da central de Loureiro.

Sábado 23 de marzo. Ruta de Lecer. Ríos Miño e Rato (Lugo)

En Lugo, un percorrido polas beiras dos ríos Miño e Rato que forma parte do “cinto verde” que rodea á cidade.

Mércores 27 de marzo. Roteiro de Louro (Muros)

Esta ruta circular lévanos á parroquia de Louro no concello de Muros.

Sábado 30 de marzo. Ruta de montaña na serra da Escrita (O Courel)

Retómanse as rutas de montaña cunha camiñada polo Courel para saber da serra da Escrita, preto do val de Louzarela.