Fundación USC Deportiva USC
Inicio > Actualidade > Axenda > Evento

Evento

Sábado 22 de decembro. Monte de Cádavo. Cuntis

O percorrido arrinca da parroquia de Cequeril en Cuntis para conducirnos ao cumio do monte do Cádavo.

Comeza o percorrido na igrexa de Santa María. Dende aquí, por unha ampla pista vaise subindo polo monte Cádavo. Ao pouco atopamos unha zona con petróglifos moi interesantes. O ascenso continúa ata chegar ao alto de Rolán. Aquí, se hai visibilidade, xa poderemos gozar dunhas vistas moi boas.

Haberá opción, se o tempo o permite e hai folgos suficientes, de acadar o punto máis alto do monte. Para iso temos que subir e baixar 100 metros de desnivel e percorrer 3 quilómetros a maiores. En calquera caso este tramo será optativo.

Despois o camiño baixa por pistas e algún sendeiro ata chegar ao lugariño de Vilar de Mato. Unha vez aquí, temos que baixar á beira do río Umia para chegar á ponte do Ramo. Este treito e moi fermoso xa que hai bosques de ribeira moi ben conservados e muíños restaurados. Dende a ponte só nos queda facer un quilómetro de ascenso moi levadío ata Cequeril, onde remata o itinerario.

A ruta non ten maiores dificultades, pero en puntos concretos haberá que prestar atención en caso de haber lama e no río hai algún pequeno tramo onde o camiño está desfeito.

  • Lonxitude: 13 km aproximadamente.
  • Desnivel: medio.
  • Dificultade: media.
  • Hora de saída: ás 09:00, diante da piscina universitaria
  • Hora de regreso: ás 19:00 aproximadamente
  • Mapa da ruta do monte do Cádavo (Cuntis)
  • MIDE da ruta do monte do Cádavo (Cuntis)

« Novembro - 2018 »
L Ma M X V SD
  01 02 03 04
05 06 07 08 09 10 11
12 13
14
15 16
17
18
19 20 21 22 23
24
25
26 27 28 29 30  

Día 14 de novembro. Ruta da fervenza do Toxa (Silleda)

Desta volta nos desprazamos ao concello de Silleda para facer un fermosísimo percorrido nos arredores da fervenza do Toxa.

Día 17 de novembro. Ruta de montaña: Monte Oribio desde Lóuzara

Subida ao cumio do Oribio desde San Cristovo de Lóuzara na ladeira sur da montaña. Dende aí, entre bosques e por antigas corredoiras chegamos a Gudríz, onde comeza a forte e longa ...

Día 24 de novembro. Ruta de sendeirismo polo río Arnoia

A ruta que faremos polo río Arnoia forma parte da rede galega de sendeiros homologados.