Fundación USC Deportiva USC
Inicio > Actualidade > Axenda > Evento

Evento

17-20 de maio. Actividade especial de primavera: Babia. Cordilleira Cantábrica (León)

Babia, facendo fronteira entre León e a comarca asturiana de Somiedo, ofrece unhas das paisaxes máis marabillosas da cordilleira Cantábrica.

A simbiose entre os seus cómodos e amables vales e as súas montañas, moitas das cales superan os 2.000 m, fai que sexa unha zona perfecta para a práctica das actividades de sendeirismo e montaña e, sen dúbida ningunha, a primavera é das mellores épocas do ano para visitala.

Faremos rutas por paisaxes variadas e diferentes puntos. As camiñadas serán, en xeral, de dificultade media, aínda así hai que ter un bo estado de forma e estar afeito á práctica do sendeirismo.

Todas as actividades que faremos teñen un alto interese natural e paisaxístico.

As rutas previstas son:

  • Arredores de La Cueta e Peña Chana.
  • Lagoa de Las Verdes.
  • Arredores de Peña Ubiña.
  • Lago Chao desde Rio lago

O aloxamento é en Villablino, pero os desprazamentos ata os sitios onde comezan as rutas son curtos, sobre media hora aproximadamente.

  • Saída: día 17, xoves, ás 08:00 h., diante da Piscina Universitaria
  • Regreso: día 20, domingo, ás 21:00 h. aproximadamente.
  • Aloxamento: Estaremos aloxados en Villablino, no albergue Francisco Giner de Los Rios en réxime de media pensión. Hai que levar a comida para as rutas. As habitacións son dobres e todas teñen baño. A distribución dos aloxamentos farase seguindo criterios organizativos.
« Setembro - 2018 »
L Ma M X V SD
  01 02
03 04 05 06 07 08 09
10 11 12 13 14 15 16
17 18 19 20 21
22
23
24 25
26
27 28
29
30

Sábado 22 de setembro. Ruta de Lecer. Senda Verde de Carnota

A ruta lévanos a Carnota. Faremos un dos itinerarios sinalizados cos que conta o concello: A Senda Verde.

Mércores 26 de setembro. Roteiro polo río Sar

Comezamos a nosa programación de Roteiros cun estupendo percorrido polo paseo do río Sar.

Sábado 29 de setembro. O Camiño dos Faros: de Touriñán a Rostro.

A andaina lévanos desde cabo Touriñán ata Rostro dando continuidade ao Camiño dos Faros.