Fundación USC Deportiva USC

Listaxes provisionais de persoas admitidas en cada quenda do Verán CampUSC 2022

[19/05/2022] Publícanse as listaxes provisionais de persoas admitidas en cada quenda do Verán CampUSC 2022. Estas listaxes foron elaboradas pola Comisión de Seguimento seguindo os criterios das bases de participación, reunida o 19 de maio de 2022.

Convocatoria para a formación dunha lista de agarda para contratacións temporais nas categorías de limpador/a e especialista nos campus de Santiago de Compostela e Lugo

[18/05/2022] A Fundación Universidade de Santiago de Compostela publica dúas convocatorias para a formación de listas de agarda para contratacións temporais nas categorías de limpador/a e de especialista nos campus de Santiago de Compostela e Lugo. Prazo de presentación: 15 días naturais desde a súa publicación (ata o día 2 de xuño ás 14:00 horas).

Nova edición do Verán CampUSC. Ábrese o período de inscrición até o 11 de maio

[25/04/2022] Publícanse as bases do Verán CampUSC 2022 e ábrese o período de inscrición até o 11 de maio para todo tipo de solicitantes. O programa Verán CampUSC 2022, organizado pola Fundación Universidade de Santiago de Compostela, é unha actividade que ten lugar no período non lectivo do verán (agás o mes de agosto) co fin de conciliar a vida laboral e familiar tanto da comunidade universitaria da USC coma do público xeral.

Concurso de Postais de Nadal. Entrega de premios a Lara Guisande e Alejandra López

[30/12/2021] No día de hoxe, Lara Guisande Calvo, de 5 anos, recibiu o seu premio como gañadora do Concurso de Postais de Nadal: unha praza gratuíta no Verán CampUSC 2022 e un vale de 100 € para canxear por material deportivo. O xerente da Fundación Universidade de Compostela, Óscar Hermida, fixo igualmente entrega do seu premio —un lote de libros— a Alejandra López Fraile que foi galardonada cun accésit na IX edición do concurso de postais.

Cos nosos mellores desexos, feliz aninovo e un ventureiro 2022

[22/12/2021] O Padroado e o persoal da Fundación Universidade de Santiago queremos desexar aos usuarios e usuarias das nosas actividades e colaboradoras unhas felices festas e un novo ano ateigado de saúde, ledicias e éxitos deportivos.

Lara Guisande Calvo gaña o IX Concurso de Postais de Nadal da Fundación Universidade de Santiago

[17/12/2021] O xurado do IX Concurso de Postais de Nadal acordou premiar o debuxo de Lara Guisande Calvo, de 5 anos. A gañadora contará cunha praza gratuíta no Verán CampUSC 2022 e recibirá un vale de 100 € para canxear por material deportivo. O debuxo será asemade o motivo da tarxeta de Nadal da Fundación Universidade de Santiago.

Manifesto con motivo do Día Internacional pola eliminación da violencia contra as mulleres

[25/11/2021] Co gallo do Día Internacional pola eliminación da violencia contra as mulleres, reproducimos o manifesto da Rede de Unidades de Igualdade de Xénero para a Excelencia Universitaria, subscrito pola USC.

Selección da xefatura do servizo da coordinación do servizo de limpeza. Resolución definitiva

[02/11/2021] Publícanse a resolución definitiva da contratación da xefatura de servizo para a coordinación dos servizos de limpeza de edificios e locais da Universidade de Santiago de Compostela.

Selección da xefatura do servizo da coordinación do servizo de limpeza. Resultados e resolución provisional

[02/11/2021] Publícanse os resultados fase I e fase II e a resolución provisional da persoa candidata seleccionada para a contratación dun xefe de servizo para a coordinación dos servizos de limpeza de edificios e locais da Universidade de Santiago de Compostela.

Os participantes da última quenda do Verán CampUSC mantiveron senllos encontros co reitor Antonio López e co alcalde de Santiago

[06/09/2021] Nenos e nenas da derradeira das 5 quendas do Verán CampUSC 2021 visitaron este luns o Colexio de San Xerome para manter un encontro co reitor Antonio López e coa vicerreitora de Igualdade, Cultura e Servizos, Mar Lorenzo Moledo. Os vinte nenos e nenas, distribuídos en dous grupos de dez, acompañados polo xerente da Fundación USC, Óscar Hermida, e a vicerreitora de Igualdade, Cultura e Servizos da USC, Mar Lorenzo, foron asemade recibidos polo alcalde da cidade, Xosé Sánchez Bugallo.

Verán CampUSC 2022

Do 23 xuño ao 29 de xullo e do 1 ao 7 de setembro de 2022


    Proximamente se incluirán novos eventos


Libros

Elogio de la bicicleta

Publicado en 2008, Eloxio da bicicleta é definido por Marc Auge como «unha reflexión sobre á lembranza, ao mito e á utopía» como distintas caras da realidade que se constrúe ao redor da bicicleta, o cicloturismo e o ciclismo desde a posguerra europea ao mundo actual.