Novas

Masterclass de Zumba, un éxito solidario

[16/03/2017] O pasado sábado 11 de marzo celebrouse a masterclass de zumba en beneficio de Cruz Vermella. Nela participaron máis de 350 persoas e a recadación solidaria en beneficio da Cruz Vermella duplicou os ingresos da masterclass celebrada en 2016. Foi un grande éxito de participación e de solidariedade. A iniciativa contou coa colaboración da Universidade de Santiago e da Fundación USC Deportiva.

Campionato de Kárate da USC

[14/03/2017] O pasado 4 de marzo celebrouse o Campionato de Kárate da USC no que participaron doce clubs e 35 karatecas distribuidos en tres categorías: Kata individual; Kumite individual; e Para-kárate para persoas con diversidade funcional.

Tenis. O Club USC subcampión cadete masculino na 1ª División

[14/03/2017] O equipo cadete masculino do Club USC alcanzou esta pasada fin de semana o subcampionato galego da categoría autonómica. A competición desenvolveuse nas instalacións do Club Tenis Coruña en San Pedro de Nos. Á mesma accederon os 4 campións da fase de grupos na que participaron 22 equipos de toda Galicia. Ademais do Club USC, participaron o Club Tenis Coruña, o Club Zona Indoor de Coruña e o URECA de Vigo.

Carreira Holi Gaiás o 25 de marzo na Cidade da Cultura

[10/03/2017] A Fundación USC Deportiva colabora na organización da Carreira Holi Gaiás, unha acción deportiva, lúdica e de sensibilización sobre a vida saúdable programada pola Fundación Cidade da Cultura de Galicia. A actividade enmárcase dentro da xornada Cidade Verde. A Carreira Holi Gaiás é unha proba lúdica non competitiva. A saída será o sábado 25 de marzo ás 12 h. e consta dun percorrido de aproximadamente 5 quilómetros polos espacios naturais e zonas verdes da Cidade da Cultura.

Competicións do Club USC

[10/03/2017] Desde hoxe venres, o Club USC ten unha intensa axenda deportiva co atletismo como gran protagonista. Xadrez e tenis completan as citas da fin de semana.