Fundación USC Deportiva USC
Inicio > Actualidade > Novas

Novas

Mapa e Track GPS da Ruta do Santo (Montederramo)

[07/04/2011] Xa está dispoñíbel o Mapa e Track GPS da Ruta do Santo Montederramo. Cunha extensión de 28 km no seu trazado de maior desnivel e dificultade e de 23 km. no de dificultade e desnivel medio. A Ruta comeza en Montederramo, a carón do mosteiro, e acada o cumio de San Mamede (1.606 m.)

31 participantes no curso de arbitro-anotador-cronometrador organizado pola USC

[07/04/2011] O pasado 6 de abril finalizou o curso de árbitro/anotador-cronometrador que se levou a cabo dende o 14 de marzo en Santiago de Compostela, organizado polo Servizo de Deportes da USC coa colaboración da Fundación USC Deportiva e a Federación Galega de Balonmán.

Judo, Campionato de España sub-20: quinto posto para Ana García Esmoris

[07/04/2011] O sábado 2 de abril celebrouse na localidade madrileña de Villaviciosa de Odón unha nova edición do Campionato de España sub-20 na súa fase final, na que participaron Ana García Esmoris e Pablo Forján Somoza.

Karate: Óscar Lafuente e Samuel Jarque, da USC, participaron no IV Curso de Autodefensa da REFK

[05/04/2011] O 2 e 3 de Abril celebrouse en Santiago de Compostela o IV Curso de Autodefensa, organizado pola RFEK en colaboración coa FGK e impartido por José Luis Prieto Méndez, 7º Dan de Karate e Director do Departamento Nacional de Autodefensa da RFEK. Neste curso participaron membros do Club de Karate USC, trátase de Óscar Lafuente López (instrutor do club) e Samuel Jarque Abizanda.

Orientación: María Isabel Fraga e Pilar Veiga vencen en Damas 35 e Damas Élite

[04/04/2011] Na 4ª proba da Liga Galega de Orientación –IX Trofeo El Progreso-Cidade de Lugo, celebrado o pasado sábado, as atletas da USC María Isabel Fraga e Pilar Veiga venceron en Damas 35 e Damas Élite, respectivamente.